古惑仔|陳惠敏經歷胃癌兼心臟病 將要復出拍劇︰而家仲有打沙袋

 

除此之外陳惠敏都有講到,得閒都會嚟冰室食飯,他笑言:「呢度我地頭嚟㗎嘛!都要讚下個設計師,整到咁靚,一定會有好多年輕古惑仔嚟幫襯!」其後陳惠敏更笑言:「我係正式古惑仔,唔係拍戲嗰啲古惑仔。」

親情歲月古惑仔主題冰室今午(27日)開業,現年77歲的陳惠敏都有份應邀出席開業典禮,其後都有接受傳媒訪問,提到罹患胃癌和心臟病後的生活。

問到皮膚康復後有何計劃,他講到:「其實大陸都有好多戲搵我拍,都要醫生睇吓自己狀況。不過今年會返亞視拍類似[]嘅劇,因為佢哋想拍返啲劇。」及後問到有冇特別注意飲食方面,他坦言:「因為我睇嘅係西醫又唔使特別戒口,反而佢有叫我食多啲,吸收多啲營養。之前半邊身中風,依家好返都有做運動、行山、打沙包,細細力都要打下。」

陳惠敏應邀出席開業典禮,亦參予剪綵。(葉志明 攝)

提及陳惠敏1983年,遠赴韓國打擂臺,以35秒極速打敗韓國球手森崎豪,他笑言:「以前後生嘛,而家個個後生都勁㗎啦!其實我嗰時練好多種拳,最重要係西洋拳、自由搏擊,嗰個年代嘅水準冇而家咁高,而家我去打可能唔得㗎啦,冇可能咁快就打低人,嗰時我出拳係比較重、快,好似李小龍話齋『中西合璧』。」

loading...

陳惠敏對於古惑仔主題冰室有很深體會,他先講到:「好似返返去30年前拍[]時代咁,覺得個主題非常之好,班老細能夠諗到可以開餐廳真係好叻。(係咪邀請你就即刻應承?)係呀!因為我拍開[],大家都係好朋友,而且身體又好返好多,都8、9成喇。」

文章標簽   古惑仔