邁克華堡為新劇增肥日吞過萬卡路里：每３個鐘就要食一餐

邁克華堡近日上電視節目《he Tonight Show》時分享為新劇瘋狂增肥的過程：「頭兩星期我每日要攝取7000卡路里，然後接下來的兩周，每日1萬1000卡路里。只有頭一個鐘覺得有趣，增肥係好辛苦、好困難嘅事，減肥只係要唔食嘢同做運動，但增肥係，就算已經好飽，仍然要食完一餐又一餐，我每3個鐘頭就要食一餐，完全唔有趣。」

邁克華堡為新劇搏命增肥。（IG照片）

好萊塢男星邁克華堡（Mark Wahlberg）早前忙於攝製新劇《Stu》，戲中配角由球手轉行做牧師，其身材亦要追隨配角轉變，他最近上電視節目受訪透漏，為的是在4個星期內增肥20磅，每日要攝入過萬卡路里，每隔3半小時就要食一餐，由六嚿腹肌變為「六神合體」的過程十分傷痛。

日前邁克華堡已回覆身材。（IG照片）

已年過半百的邁克華堡直言，隨著歲數快速增長，新陳代謝愈來愈慢，短時期內增肥與瘦身都好艱辛，但為的是心血之作就要咬緊牙關撐下去：「我花了6年時間去令這部戲成事，而我們只有30日去拍攝，所以我只能夠盡做。加上我仲好瘋狂咁投資咗好多錢落呢部戲，每分每秒都係錢，你就會想快啲殺青。」此次訪問早於去年4月時錄影，現在邁克華堡已減磅成功回覆身材，真的不得不欽佩他。